آخر شيء كنت أتوقعو

آخر شي كنتَ اتوقعو ،
إنك تموت زي أيِّ زول
ومن دون تكلم
حتى ناس الحله إنك ما بتجي
كان تورينا الخبر
ما كان تقولّنا ماشْ وجايْ
ونرجاكا لامن
يصدأ في حلوقنا السفر
كان تورينا الحصل
كُنا أديناك كفن سفرك
وكان
وصّينا ليك الموت عشان
وكتين يجيك يستأذنك
وتختار براك أسهل سفر
مع انو أصلاً
مافي أحسن
من تموت ، شان تبقى حي
وتبقى خالد
في دواخل الناس مَحنّه
وكلمه ما ظنيت تموت
ومثال شهامه
وخير
وجود
وحنان
وري ..